वेबटिभी खबर
काठमाडौं । मन्त्रिपरिषदको बैठक प्रधानमन्त्रीको सरकारी निवास बालुवाटारमा बस्दैछ । राजनीतिक दलसम्बन्धी अध्यादेश जारी गर्नेबारे निर्णय गर्न प्रधानमन्त्री शेरबहादुर देउवाले मन्त्रिपरिषद् बैठक आह्वान गरेका हुन् ।
बैठकमा सहभागी हुन गृहमन्त्री बालकृष्ण खाण, अर्थमन्त्री जनार्दन शर्मा, कानूनमन्त्री ज्ञानेन्द्रबहादुर कार्की र ऊर्जामन्त्री फम्फा भुसाल बालुवाटार पुगिसकेका छन् । पुनः स्थापित संसदमा पेस नभएका कारण निष्क्रिय भएका अध्यादेशहरू पनि जारी गर्नेबारे पनि मन्त्रिपरिषद्ले निर्णय लिने बताइएको छ ।
यस्तै बजेट प्रतिस्थापन अध्यादेश ल्याउनेबारे पनि निर्णय हुने बालुवाटार स्रोतले जानकारी दिएको छ । मन्त्रिपरिषद् बैठकअघि प्रधानमन्त्री देउवाले कांग्रेसका शीर्ष नेताहरुसँग समसामयिक विषयमा छलफल गरेका छन् ।
Copyright © All right reserved to webtvkhabar.com Site By: Sobij