वेबटिभी खबर
काठमाडौं । नयाँ दल दर्ताको प्रक्रियामा रहेका माधव नेपाल र महन्त ठाकुरले आफ्नो पक्षमा दाबी गरेका सांसद्हरूको कित्ता स्पष्ट पार्न निर्वाचन आयोगले सभामुख अग्नि सापकोटालाई पत्र पठाएको छ बेग्लाबेग्लै दल दर्ताका लागि निवेदन दिएका नेपाल र ठाकुरले निवेदनमा खुलाएका सांसदहरू सम्बन्धित नेतापक्षीय हुन् कि होइनन् भन्ने पुष्टि गर्न आयोगले सभामुखलाई पत्र पठाएको हो ।
नेपालले एमाले र ठाकुरले जनता समाजवादी पार्टीबाट २० प्रतिशत सदस्य संख्या लिएर नयाँ दल दर्ता गर्न निवेदन दिएपछि आयोगले सभामुखलाई औपचारिक पत्र पठाएर जवाफ माग्ने निर्णय गरेको हो । ‘आयोगले निर्णय गरेर सभामुखलाई पत्र पठाइसकेको छ, निर्वाचन आयोग स्रोतले भन्यो, ‘सभामुखको जवाफ पर्खिरहेका छौं । बुधबार सनाखतका लागि बोलाइएका त्यसअघि नै संसद सचिवालयबाट पत्रको जवाफ आउने आयोगको अपेक्षा छ ।’
आयोगकाअनुसार ठाकुरलाई संघीय सांसदहरूको संख्याका आधारमा नयाँ दल दर्ता गर्न ७ सांसद र नेपाललाई ३१ सांसद आवश्यक पर्छ । यता संसद् सचिवालयले आयोगबाट पत्र आएको र प्रक्रिया अघि बढाइएको जनाएको छ ।
Copyright © All right reserved to webtvkhabar.com Site By: Sobij
