वेबटिभी खबर
काठमाडौ । सानिमा लाइफ इन्स्योरेन्स लिमिटेडको शेयर मूल्य १० प्रतिशतले बढेको छ । कारोबारको पहिलो दिनमै कम्पनीको शेयरमूल्य प्रतिकित्ता रू.३० दशमलव ९० ले बढेर रू. ३३९ दशमलव ९० पुगेको हो । बुधवार नेपाल स्टक एक्सचेञ्ज (नेप्से) मा २ करोड कित्ता शेयर सूचीकृत भएसँगै बिहीवारदेखि कारोबार शुरू भएको हो ।
कारोबारको एक घण्टाको अवधिसम्म कम्पनीको शेयर खरिद चाप देखिएको छ । यो अवधिसम्म १० लाख ८२ हजार ४ सय ७१ कित्ता शेयर खरिद माग छ भने विक्री कर्ता शुन्य रहेका छन्। कम्पनीको संस्थापक तर्फको १ करोड ४० लाख कित्ता र सर्वसाधारणतर्फको ६० लाख कित्ता गरी कुल २ करोड कित्ता शेयर नेप्सेमा सूचीकृत छ ।
Copyright © All right reserved to webtvkhabar.com Site By: SobizTrend Technology
