वेबटिभी खबर
तनहुँ । तनहुँको बन्दीपुरमा ट्याक्टर दुर्घटना हुँदा चालकको मृत्यु भएको छ । बन्दीपुर गाउँपालिका-१ स्याउली चिसापनीमा शनिबार साँझ ग १ त ३११६ नम्बरको ट्याक्टर अनियन्त्रित भई सडकमा पल्टिँदा दुर्घटना भएको हो ।
ट्याक्टर चालक बन्दीपुर २ पौवाका २३ वर्षीय सुदिप कपालीको मृत्यु भएको जिल्ला प्रहरी कार्यालय तनहुँका प्रहरी नायब उपरीक्षक युवराज तिमल्सिनाले जानकारी दिए । गम्भीर घाइते उनको लक्ष्मी अस्पताल डुम्रेमा उपचारको क्रममा मृत्यु भएको हो ।
ट्याक्टरका सहचालक सोही स्थानका ३५ वर्षका माधव विक पनि घाइते भएका छन् । विक सामान्य उपचारपछि डिस्चार्ज भएका छन् ।
Copyright © All right reserved to webtvkhabar.com Site By: Sobij
