Logo

२०८०, चैत्र १६ गते शुक्रवार

२०८०, चैत्र १६ गते शुक्रवार

डी.बी. गुरुङको ‘गुरुङ दर्पण’ सार्वजनिक

डी.बी. गुरुङको ‘गुरुङ दर्पण’ सार्वजनिक

  • चैत्र १, २०७७ आइतवार १७:२० बजे
  • 731
    SHARES
  • डी.बी. गुरुङको ‘गुरुङ दर्पण’ सार्वजनिक

    काठमाडौं । नेपालको राजनीति, निजामति र अन्य सेवामा गुरुङहरुको पहुँच र प्रतिनिधित्वको अवस्थाबारे लेखक तथा अध्येता डी.बी गुरुङको पुस्तक ‘गुरुङ दर्पण’ सार्वजनिक भएको छ ।

    images

    गुरुङले ००७ सालयता राज्य सञ्चालनमा रहेको गुरुङहरुको सहभागिता, पहुँच र प्रतिनिधित्वको वृहत् तथ्यांक संकलन तथा विश्लेषण गरेका छन् । सो पुस्तकको शनिबार सूचना तथा सञ्चार प्रविधिमन्त्री पार्वत गुरुङले विमोचन गरेका छन् ।

    पुस्तकमा अहिलेसम्म भएका मन्त्री, सांसदसहित उच्च ओहोदामा पाएका नियुक्ति र नेतृत्वका बारेमा समेटिएको छ । नेपालको कार्यपालिका, व्यवस्थापिका, न्यायपालिका लगायत विभिन्न निकाय र क्षेत्रमा विगतदेखि वर्तमानसम्म गुरुङ समुदायको पहुँच र प्रतिनिधित्वको अवस्था तथा भविष्यको सम्भावना र चुनौतिसमेत पुस्तकमा समेटिएका छन् ।

    मन्त्री गुरुङले पुस्तक विमोचन गर्दै गुरुङ समुदायका लागि पुस्तक ऐतिहासिक ऐना भएको धारणा राखे । ‘यो भन्दा पहिले प्राप्त उपलब्धिको समीक्षा गर्नुपर्ने अवस्था छ । र, थप उपलब्धिका लागि पुस्तकले सिंगो समुदायलाई प्रेरणा दिनेछ,’ मन्त्री गुरुङले भने ।

    सो पुस्तकबारे सांसद हिरा गुरुङ, पूर्वराज्यमन्त्री सीता गुरुङ, पूर्व कार्यबाहक प्रमुख निर्वाचन आयुक्त दोलखबहादुर गुरुङ, प्राध्यापक डा.ओम गुरुङ, डा.टेकबहादुर गुरुङ, तमू ह्युला छोंज धिँ गुरुङ राष्ट्रिय परिषदका महासचिव सूर्य गुरुङ लगायतले चर्चा गरेका थिए ।

    त्रिभुवन विश्वविद्यालयबाट समाजशास्त्रमा स्नात्तकोत्तर गरेका लेखक गुरुङले यसअघि ‘गुरुङ सेरोफेरो’ लेखेका थिए । उनको शासन र शक्तिको चित्रमा नेपाल नामक पुस्तक प्रकाशोन्मुख छ ।

    सम्बन्धित समाचार

    Copyright © All right reserved to webtvkhabar.com Site By: SobizTrend Technology