पेरिस । अमेरिका र अष्ट्रेलियाले आणविक पनडुब्बि खरिद गर्ने सम्झौतापछि फ्रान्सले उग्र प्रतिक्रिया दिएको छ । फ्रान्सका विदेश मन्त्री जाँ इभ ले ड्रियाले ‘अमेरिका र अष्ट्रेलियाले पिठ्युँमा छुरा रोपेको’ बताएका छन् ।
फ्रान्सले ५ वर्ष अगाडि १२ पनडुब्बि अष्ट्रेलियालाई बेच्ने सम्म्झौतामा हस्ताक्षर गरेको थियो । फ्रान्ससँग अष्ट्रेलियाले उक्त पनडुब्बि ५६ बिलियन युरो डलरमा खरिद गर्ने सहमति थियो । तर बेलायत, अमेरिका र अष्ट्रेलियाबीच हालै भएको त्रिदेशीय रणनीतिक सम्झौता पछि फ्रान्ससँगको सम्झौता रद्द गर्याे । अष्ट्रेलियाले सम्झौता अन्त्य गरेपछि फ्रान्सले अष्ट्रेलिया र अमेरिका मिलेर आफूमाथि विश्वासघात गरेकाे बताएकाे हाे ।
ड्रियाले भनेका छन्, ‘अष्ट्रेलियासँग फ्रान्सको विश्वासिलो सम्बन्ध थियो, अब यो टुट्यो ।’
अमेरिकाको दबावका कारण अष्ट्रेलियाले सम्झौताबाट बाहिर निस्किएको हुन सक्ने अनुमान गर्दै फ्रान्सले राष्ट्रपति जो बाइडेनको व्यवहार एकतर्फी, क्रुर र पूर्व राष्ट्रपति डोनाल्ड ट्रम्पलाई सम्झाउने खालको भएको पनि बताएको छ । आफ्ना सहयोगीसँग कसैले पनि यस्तो किसिमको व्यवहार नगर्ने भन्दै तीन देशबीचको यो निर्णयले निकै नराम्रो भएको पनि फ्रान्सको भनाई छ ।
France accused U.S. President Joe Biden of stabbing it in the back and acting like his predecessor Donald Trump after Paris was pushed aside from one of the world's most lucrative defense deals that it had signed with Australia for submarines https://t.co/iA6IshUL8i pic.twitter.com/kxupgMxtuq
— Reuters (@Reuters) September 16, 2021
हिन्द महासागरमा चीनको बढ्दो प्रभावलाई टक्कर दिन त्रिदेशीय सुरक्षा सम्झौतामा बेलायत, अमेरिका र अष्ट्रेलियाले हस्ताक्षर गरेपछि चीनले पनि कडा निन्दा गरेको छ ।
अमेरिका, बेलायत र अष्ट्रेलियासँग शीत युद्धकाे मानसिकता रहेकाे चीनको आरोप चीनलाई चुनौती दिन बेलायत, अमेरिका र अष्ट्रेलियाबीच सम्झौता
Copyright © All right reserved to webtvkhabar.com Site By: SobizTrend Technology