निर्माण वैज्ञानिकले गरे न
न सक्दथ्ये यो विधिले बनाउन
प्रयोगशाला छ अचम्मको यो
विवेक हुर्काउँछ प्रेमले यो ।
हुँदैन थर्कावट नै पनि कति !
वातानुकूलित पनि छ यो अति
न यन्त्र पूर्जाहरू खोल फिट
प्रयोगशाला छ विचित्रको घर ।
छ चार नै अक्षरको पवित्र
विवेक जन्माउँछ भित्र भित्र
भौतिक आध्यात्मिकले चिनिन्न
ढुङ्गा ईटाले पनि यो बनिन्न
अकुत पैसाहरूले किनेन
शिपालु कालिगढले भएन
कस्तो विधिको छ प्रयोगशाला
सोचाइ मै भव्यछ तालमाल
आगो न पानी बिजुली फलाम
हिउँद गर्मी न झरी छ काम
न जोडनु नै पर्दछ घुर्र मोटर
कृपा भए बन्दछ दिव्य आलय ।
निर्माण यो मानवलाई गर्छ
संसारमै सिर्जनशील भर्छ
सानो छ आकार विशाल चित्र
यो भ्रुण बस्ने घर हो विचित्र !
बनिन्छ पाठेघरका काहानी
प्रयोगशालाहरू नै नजानी
विराट यी चेतनका विहान
हुर्काउने अद्भुत यो मुहान ।
हेपिन्छ एउटा रूपचित्रलाई
आमा दिदी वैनी प्रिया बनाई
रक्षागरे यी सबका मुहान
बन्दैन मान्छे सबको चिहान !
Copyright © All right reserved to webtvkhabar.com Site By: SobizTrend Technology