Logo

२०७८, कार्तिक ६ गते शनिवार

२०७८, कार्तिक ६ गते शनिवार

बंगलादेशविरुद्ध नेपालको आक्रामक रणनीति, दुई परिवर्तन 

बंगलादेशविरुद्ध नेपालको आक्रामक रणनीति, दुई परिवर्तन 

  • 103
    SHARES
  • बंगलादेशविरुद्ध नेपालको आक्रामक रणनीति, दुई परिवर्तन 

    काठमाडौं । साफ च्याम्पियनसिपअन्तर्गत बंगलादेशविरुद्ध खेल्ने नेपाली टोलीको सुरुवाती एघार सार्वजनिक गरिएको छ । प्रशिक्षक अब्दुल्लाह अल्मुताईरीले बंगलादेशविरुद्ध खेल्ने नेपालको सुरुवाती–११ सार्वजनिक गरेका हुन् । 

    नेपालले बुधबार (आज) साँझ पौने ५ बजे मालेस्थित राष्ट्रिय रंगशालामा बंगलादेशको सामना गर्दैछ । प्रशिक्षक अब्दुल्लाहले बंगलादेशविरुद्ध आक्रामक रणनीति बनाएका छन् । यसअघि भारतविरुद्ध रक्षात्मक खेल खेल्दै पराजित भएपछि दबाबमा आएका अब्दुल्लाहले बंगलादेशविरुद्ध आक्रामक रणनीति लिएका हुन् । 

    बंगलोदशविरुद्ध प्रशिक्षक अब्दुल्लाहले दुई परिवर्तन गरेका छन् ।  भारतविरुद्ध खेलेको सेटमा सुमन लामा र मनिष डांगी परिवर्तन भएका छन् । सुमनको स्थानमा आयुष घलान खेल्नेछन् भने मनिषको स्थानमा नवयुगलाई ल्याइएको छ । 

    अब्दुल्लाहले नेपाली टोलीको गोलरक्षकमा कप्तान किरणकुमार लिम्बुलाई जिम्मेवारी दिएका छन् ।  यस्तै डिफेन्समा सदाझैँ गौतम श्रेष्ठ, अनन्त तामाङ, दिनेश राजवंशी र पुजन उपरकोटीलाई निरन्तरता दिएका छन् । 

    यता, मिडलाईनमा भने रोहित चन्द, सुजल श्रेष्ठ, तेज तामाङ, रहेका छन् । एक्ला स्ट्राइकर नवयुग श्रेष्ठलाई आयुष घलान र  अन्जन बिष्टले सहयोग गर्नेछन् । आज बंगलादेशविरुद्ध नेपालले जित वा बराबरले साफ च्याम्पियनसिपमा पहिलो पटक फाइनल पुग्नेछ । हारले भने बंगलादेश फाइनल पुग्नेछ । 

    सन् १९९३ बाट सुरु भएको साफको १३औं संस्करण आइपुग्दा नेपाल हालसम्म फाइनल पुग्न सकेको छैन । 

    नेपालको सुरुवाती –११

    गोलरक्षकः किरण कुमार लिम्बु
    डिफेण्डरः गौतम श्रेष्ठ, अनन्त तामाङ, दिनेश राजबंशी, पुजन उपरकोटी
    मिडफिल्डरः रोहित चन्द, सुजल श्रेष्ठ, तेज तामाङ
    स्ट्राइकरः आयुष घलान , अन्जन बिष्ट, नवयुग श्रेष्ठ
     

    सम्बन्धित समाचार

    Copyright © All right reserved to webtvkhabar.com Site By: SobizTrend Technology