वेबटिभी खबर
काठमाडौं । पछिल्लो २४ घण्टामा काठमाडौं उपत्यकामा १६३ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयकाअनुसार काठमाडौंमा १२२, भक्तपुरमा १२ र ललितपुरमा २९ जनामा कोभिड–१९ पुष्टि भएको हो ।
यस अवधिमा देशभर ६०९ जना कोभिड–१९ संक्रमणमुक्त भएका छन् भने संक्रमणको कारणले ४ जनाको निधन भएको छ । हाल सक्रिय संक्रमितको संख्या १४ हजार २६७ जना रहेको छ ।
जसमध्ये १३ हजार १७२ जना होम आइसोलेसनमा र १ हजार ९५ जना संस्थागत आइसोलेसनमा रहेका छन् । संस्थागत आइसोलेसनमा रहेकामध्ये ३१५ आइसियूमा र १०७ जना भेन्टिलेटरमा उपचारत छन् । त्यसैगरी, २३२ जना संस्थागत क्वारेन्टिनमा रहेका छन् ।
Copyright © All right reserved to webtvkhabar.com Site By: SobizTrend Technology
