काठमाडौं । खेलको अन्तिममा वैकल्पिक फरवार्ड अल्भारो मोराटाले निर्णायक गोल गरेपछि स्वीडेनलाई हराउँदै स्पेन अर्को वर्ष कतारमा आयोजना हुने फिफा विश्वकपमा छनोट गरेको छ ।
घरेलु मैदानमा स्पेनले स्वीडेनलाई १–० ले पराजित गर्दै विश्वकपमा छनोट हुन सफल भएको हो । पराजित स्वीडेनले भने विश्वकपमा छनोट हुन प्ले अफ खेल्नुपर्ने भएको छ ।
८६औं मिनेटमा वैकल्पिक खेलाडीको रुपमा मैदान छिरेका मोराटाले ओल्मोकै पासमा गोल गर्दै स्पेनलाई १–० को जित दिलाउँदै विश्वकपमा छनोट गराए । मोराटा ५९औं मिनेटमा पाब्लो सारावियाको स्थानमा मैदान छिरेका थिए ।
यो जितसँगै स्पेनले समूह ‘बी’ मा ८ खेलबाट १९ अंक जोड्यो । स्वीडेन १५ अंक जोडेर दोस्रो स्थानमा रह्यो । ग्रीस १० अंक जोडेर तेस्रो स्थानमा रह्यो । कोसोभो ५ अंक जोडेर पुछारमा रह्यो । जर्जिया ७ अंकसहित चौथो स्थानमा रह्यो ।
Copyright © All right reserved to webtvkhabar.com Site By: Sobij
