वेबटिभी खबर
काठमाडौं । चिसोयाममा तथा रुघाखोकी लागेको समयमा अदुवा काढा खाँदा स्वास्थ्यलाई धेरै फाइदा पुग्छ ।
अदुवालाई विभिन्न घरेलु उपायमा पनि प्रयोग गरिन्छ । अदुवालाई पानीमा उमालेर यसको काढा बनाइन्छ । अदुवा आफ्नो अलग स्वाद र गन्धको लागि परिचित मात्र नभई अन्य स्वास्थ्य लाभका लागि पनि चिनिन्छ । यसको काढा पानीलाई रुघाखोकी लागेको बेला खाँदा धेरै नै सहयोग मिल्छ ।
दुखाईमा राहत
कयौं पटक शारीरिक व्यायाम गर्दा मांशपेशीमा दुखाई बढ्छ । जसकारण तनाव सिर्जना हुन्छ । यसले शरीरमा थकान र दुखाइ हुन्छ । यस्तो दुखाइबाट राहत लिनको लागि अदुवा काढाले काम गर्छ ।
एलर्जीमा सहयोग
अदुवा काढा पानीले मांशपेशीको दुुखाइबाट राहत दिनुकासाथै वातावरणीय प्रदुषणको कारणले हुने एलर्जीबाट पनि बचाउँछ ।
अल्सर न्युन
अदुवाले अल्सरको समस्यालाई पनि न्युन गर्छ । अल्सरलगायत अन्य पेटसम्बन्धी समस्यामा अदुवाले प्रभावकारी ढङ्गले काम गर्छ ।
अदुवा, मह, कागती पानीले घाँटीको खसखस निको पार्छ । सुन्निएको निको पार्न अदुवा, मह र कागतीको मिश्रण लाभकारी मानिन्छ ।
रुघाखोकीबाट तुरुन्त आराम लिनको लागि अदुवा र तुलसी पातको काढा पिउनु पर्छ । यसमा पाइने रोग प्रतिरोध क्षमताले टाउको दुखेको, रुघा लागेको क्षणमै कम गर्छ ।
अदुवा, कालो मरिच, ल्वाङ मिसाएर बनाएको काढा पिउँदा स्वास्थ्य सम्बन्धी समस्या र अन्य पुराना दुखाइबाट छुटकरा पाउन सकिन्छ ।
Copyright © All right reserved to webtvkhabar.com Site By: Sobij
