वेबटिभी खबर
जनकपुरधाम । प्रदेश नम्बर २ को प्रदेश सभाको आठौं अधिवेशनको पहिलो बैठक बुधबार बस्दै छ ।
२२ असोजमा सातौं अधिवेशन सम्पन्न भएपछि बुधबार आठौं अधिवेशनको पहिलो बैठक बस्दै छ । तर, नेपाली कांग्रेसका सांसदहरू पार्टीको महाधिवेशनको क्रममा काठमाडौंमा रहने भएकाले बुधबारको बैठक प्रभावित हुने भएको छ ।
प्रदेशसभामा प्रदेश सरकारले अध्यादेशमार्फत ल्याएको विश्व विद्यालयसम्बन्धी दुईवटा विधेयक पेस गरिने कार्यक्रम छ । तर, सत्तारुढ दल कांग्रेसका सासदहरू नै अनुपस्थित रहेने भएकाले उक्त विधेयक टेबुल भएर स्थगन हुने सक्ने प्रदेश सभा सचिवायले जनाएको छ ।
आठौं अधिवेशनको पहिलो वैठक भएकोले सासदले शुभकामना दिने कार्यक्रमसमेत रहेको प्रदेशसभा सचिवालय सचिव रंजित यादवले बताए ।
Copyright © All right reserved to webtvkhabar.com Site By: Sobij