वेबटिभी खबर
नयाँ दिल्ली । भारतमा सम्पूर्ण निजी कार्यलय घरबाटै सञ्चालन हुने भएका छन् । कोभिड संक्रमण तीव्र फैलिएसँगै दिल्ली विपद् व्यवस्थापन अथोरिटी (डीडीएमए)ले सम्पूर्ण निजी कार्यालयलाई घरबाटै काम गर्न निर्देशन दिएको छ । त्यस्तै, सरकारी कार्यालयमा ५० प्रतिशत कर्मचारीले मात्र कार्यलयबाट काम गर्ने भएका छन् ।
अत्यावश्यक सेवालाई भने छुट दिइनेछ । निजी बैंक, अत्यावश्यक सेवा दिने कार्यलय, विमा कम्पनी, औषधि कम्पनी, वित्तिय कम्पनी, वकिलका कार्यलय र कुरियर सेवालाई छुट छ । सोमबारदेखि दिल्लीका रेस्टुराँ र बारहरु बन्द भएका छन् । उनीहरुले होम डेलिभरी सेवा भने दिएका छन् । दिल्लीमा सोमबार १९ हजार जनामा कोभिड देखिएको छ । संक्रमण दर २५ प्रतिशत रहेको छ । यो दर मे महिनाकाे ५ तारिखपछिको उच्च हो । दिल्लीमा सोमबार एकै दिन संक्रमणबाट १७ जनाको मृत्यु भएको थियो ।
Copyright © All right reserved to webtvkhabar.com Site By: Sobij
