Logo

२०७८, माघ १५ गते शनिवार

२०७८, माघ १५ गते शनिवार

प्रचण्डलाई प्रमुख अतिथि नबनाएपछि पत्रकारले गरे बैठक बहिस्कार 

प्रचण्डलाई प्रमुख अतिथि नबनाएपछि पत्रकारले गरे बैठक बहिस्कार 

  • 3.2K
    SHARES
  • प्रचण्डलाई प्रमुख अतिथि नबनाएपछि पत्रकारले गरे बैठक बहिस्कार 

    काठमाडौं । मिडिया अवार्ड वितरणमा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ प्रमुख अतिथि नबनाएको भन्दै प्रेस सेन्टरसम्बद्ध सदस्यहरू नेपाल पत्रकार महासंघको बैठक छोडेर बाहिरिएका छन् । कपिलबस्तुको तिलौराकोटमा शुक्रबार बिहानबाट सुरु भएको बैठकबाट प्रेस सेन्टरसम्बद्ध केही सदस्यहरू बाहिरिएका हुन् ।

    मिडिया अवार्ड वितरण कार्यक्रममा महासंघका अध्यक्ष विपुल पोखरेल आफू मात्रै सहभागी भएकोले त्यसको प्रतिशोधमा महासचिव रोशन पुरीको योजनामा प्रेस सेन्टर सम्बद्ध सदस्यहरू बैठक छोडेर बाहिरिएका हुन् ।

    महासचिव पुरीले बैठक सञ्चालन गरिरहँदा सेन्टरनिकट सदस्यहरू बाहिरिँदा पनि कुनै रुलिङ नगरी उनीहरूप्रति सद्भाव देखाएको एक केन्द्रीय सदस्यले बताए । बैठकको प्रक्रिया सुरु नहुँदै महासचिवको योजनामा सेन्टरनिकट सदस्यहरू बोलेर बाहिरिएका थिए ।

    महासचिवले बहिस्कारका नाममा  बैठक पूर्व नै सेन्टरनिकट सदस्यहरूलाई बाहिर पठाएर महासंघले गठन गर्न लागेको विभिन्न विभागहरूमा बार्गेनिङ गर्ने रणतीति बनाएको बुझिएको छ ।

    असन्तुष्टिका कुराहरू बैठकमै राख्नुको साटो बैठक सुरु नहुँदै बाहिर निस्किनु अमर्यादित काम भएको लेखा समिति सदस्य मुकुन्द भण्डारीले बैठकमै बताएका थिए । यस्तै केन्द्रीय सदस्य रमेश खतिवडाले बैठक विधानसम्मत चल्नुपर्ने बताएका थिए । बैठक नियमित रुपमा सञ्चालनका लागि पदाधिकारीहरू छलफलमा जुटेका छन् ।
     

    सम्बन्धित समाचार

    Copyright © All right reserved to webtvkhabar.com Site By: SobizTrend Technology