Logo

२०७८, माघ १५ गते शनिवार

२०७८, माघ १५ गते शनिवार

‘ओमिक्रोन’ भेरियन्टका अधिकांश बिरामीलाई अक्सिजन आवश्यक नपर्ने

‘ओमिक्रोन’ भेरियन्टका अधिकांश बिरामीलाई अक्सिजन आवश्यक नपर्ने

  • 188
    SHARES
  • ‘ओमिक्रोन’ भेरियन्टका अधिकांश बिरामीलाई अक्सिजन आवश्यक नपर्ने

    काठमाडौं । अहिले देखिएको कोरोना भाइरस संक्रमणले धेरै बिरामीलाई अक्सिजनको आवश्यकता नपर्ने चिकित्सकले बताएका छन् ।

    संक्रमणको दोस्रो लहरले अधिकांश बिरामीलाई अक्सिजनको आवश्यकता परेपनि अहिले देखिएको ‘‘ओमिक्रोन’ ’ भेरियन्टका कारणले संक्रमित हुने धेरै बिरामीलाई अक्सिजनको आवश्यकता नपर्ने भएको चिकित्सकले बताएका हुन् ।

    अस्पतालमा संक्रमितको संख्या बढेपनि जटिल खालका बिरामी नआएको चिकित्सकले बताएका छन् । शुक्रराज ट्रपिकल तथा सरुवा रोग अस्पतालका निर्देशक डा.मनिषा रावलले अस्पतालमा भर्ना भएकामध्ये धेरै बिरामीलाई अक्सिजन आवश्यक नभएको बताइन् ।

    ‘अहिले अस्पतालमा उपचार गर्न आएका संक्रमित बिरामीलाई अक्सिजनको आवश्यकता परेको छैन’, उनले भनिन्, ‘६० प्रतिशत बिरामीलाई अक्सिजन आवश्यकता परेको छैन ।’ संक्रमितलाई अक्सिजन नचाहिए पनि अक्सिजन प्लान्ट र तरल अक्सिजन प्लाण्ट अस्पतालले तयारी अवस्थामा राखिएको छ ।

    उनका अनुसार अस्पतालमा भर्ना भएका १२ जनामध्ये ३ जनालाई आइसियुमा अक्सिजन दिई उपचार गरिएको, ९ जनालाई एचडीयुमा उपचार भइरहेको छ । उनका अनुसार अस्पतालमा भर्ना भएको अधिकांश बिरामी घाँटीमा अप्ठेरो बनाउने, नाकबाट पानी बग्ने, शरीर दुख्ने, शरीर तातो हुने, रुघा लाग्नेजस्ता समस्या देखिएका छन् । 

    यस्तै अहिले ‘ओमिक्रोन’ भेरियन्टले मानिसको माथिल्लो स्वासप्रस्वास नलिमा संक्रमण गराई स्वासप्रस्वास गर्नमा समस्या गराउने गर्दछ । यसअघिका डेल्टा भेरियन्टले तल्लो स्वासप्रस्वास नलि वा फोक्सामा संक्रमण गराउने गर्दथ्यो । टेकु अस्पतालमा पुस २९ गते १५ जना बिरामी आएकामध्ये १० जनालाई कोभिड-१९ संक्रमण भएको थियो । अस्पतालमा १०० शय्यासहित २४ आइसियु रहेको छ ।

    अस्पतालका निर्देशक डा.रावलले संक्रमित बढिरहेकाले अबको दुई सातासम्म चुनौतीपूर्ण रहेको बताइन् । ‘ओमिक्रोन’ भेरियन्टले कस्तो रुप लिन्छ । त्यसैको आधारमा अवको दुई हप्ता चुनौतीपूर्ण हुने देखिन्छ’, उनले भनिन् ।

    यस्तै,बलम्बुस्थित सशस्त्र प्रहरी बल अस्पतालमा पनि संक्रमितको संख्या बढिरहेको छ । अहिले अस्पतालमा ५५ संक्रमितको उपचार भइरहेको छ । अस्पतालका डा.प्रविन नेपालले पनि अहिले भर्ना भएका धेरै बिरामीलाई अक्सिजन नचाहिएको बताए । ‘दोस्रो लहरको जस्ता अहिले देखिएका संक्रमितलाई अक्सिजन चाहिएको छैन’, उनले भने, भर्ना भएका १५ प्रतिशत बिरामीलाई मात्र अक्सिजन दिएर उपचार गरिरहेका छौँ ।’

    यस्तै वीर अस्पतालमा विगत २४ घण्टामा १४ जना बिरामी भर्ना भएका छन् । अस्पतालका प्रमुख डा.भूपेन्द्र बस्नेतले संक्रमण बढेसँगै संक्रमित पनि भर्ना हुन आउने बढेको बताए । उनका अनुसार अहिले ५२ बिरामी अस्पतालमा उपचारत छन् । तीमध्ये ९ जना आइसियुमा उपचार भइरहेको छ ।

    सरकारले कोरोना भाइरस संक्रमितको उपचार गर्न भनेर गत वर्ष युनिफाइड अस्पताल सञ्चालनमा ल्याएको हो । उनले अहिलेसम्म भर्ना भएका धेरै बिरामीलाई अक्सिजनको आवश्यकता नपरेको बताए ।

    अस्पतालमा दैनिक २५० सिलिण्डर अक्सिजन उत्पादन गर्ने प्लाण्ट र २० टन क्षमता भएको तरल अक्सिजन प्लान्ट रहेको छ । अस्पतालमा ५०० शय्यासहित १०० शय्याको आइसियु रहेको छ ।

    ‘ओमिक्रोन’ भेरियन्टले मानिसको स्वास्थ्यमा जटिलता कम गराए पनि संक्रमण दर गुणात्मकरुपमा फैलिने बताइएको छ । ‘ओमिक्रोन’ ले कोरोना खोप लगाएका/नलगाएका दुवैलाई संक्रामक बनाउन सक्दछ । यो भेरियन्टको सम्भावित जोखिमलाई रोक्नका लागि अस्पताललाई आवश्यक पर्ने अक्सिजन,  आइसियु, एचडियु, भेन्टिलेटर, आइसोलेसन र स्वास्थ्यकर्मीको पनि तयारी अवस्थामा राखिएको छ ।

    स्वास्थ्य तथा जनसंख्या मन्त्रालयका सहप्रवक्ता डा.समिरकुमार अधिकारीका अनुसार नेपालमा अहिले आइसियु २  हजार ७९७, भेन्टिलेटर १  हजार ८, एचडियु ३ हजार ८४६, अक्सिजन सिलिण्डर १३ हजार ९३९, अक्सिजन कन्सटेटर ६९३ रहेका छन् ।

    यसैगरी २५ अक्सिजन ट्याङ्कमा १९ वटा र १०७ मध्ये ८७ अक्जिसन प्लान्ट सञ्चालनमा आइसकेको छ । उपत्यकामा २ हजार ४९४ आइसोलेसन शय्या, ३२४ एचडियु, ४४५ आइसियु र २५४ भेन्टिलेटर रहेका छन् । हालसम्म नेपालमा २७ वटा ‘ओमिक्रोन’ भेरियन्टका संक्रमित पत्ता लागेको छ । 

    सम्बन्धित समाचार

    Copyright © All right reserved to webtvkhabar.com Site By: SobizTrend Technology