वेबटिभी खबर
महोत्तरी । महोत्तरीको प्रादेशिक अस्पताल जलेश्वरका मेडिकल सुपरटेन्डन्ट (मेसु) डा.सतीशकुमार साहमाथि भएको आक्रमणमा घुसपैठ भएको जनतम पार्टीले दाबी गरेको छ ।
जनकपुरको पिडारी चोकमा बुधबार मेसु साहमाथि राष्ट्रियसभा सदस्य निर्वाचनको विरोध प्रदर्शनमा उत्रिएका सिके राउत नेतृत्वको जनमत पार्टीका नेता तथा कार्यकर्ताले आक्रमण गरेका थिए । बर्दिबास हिँडेका उनी सवार एक्कासि जनमतका कार्यकर्ताहरुले आक्रमण गरेको मेसु साहले बताएका थिए ।
आक्रमणमा परी साहको मुखमा आठ वटा टाँका लगाएर उपचार गरिएको छ भने शरीरका विभिन्न भामा चोट लागेको छ । आफू स्वास्थ्यकर्मी भएको बताउँदाबताउँदै आफूमाथि सिके राउतका कार्यकर्ताले चिर्पट प्रहार गरेको साहले बताए ।
तर,डा.साहमाथि भएको आक्रमणमा घुसपैठ भएको जनमत पाटीका केन्द्रीय सदस्य सञ्जय स्वराजीले दाबी गरे । डा.साहलाई लक्षित गरी आक्रमण नगरिएको उनको दाबी छ ।
‘जनमत पाटीको प्राणरक्षक चिकित्सकहरू माथि आक्रमण गर्ने नीति छैन,’ नेता स्वराजीले भने, ‘भूलबस वा जनमतको नाममा कोही घुसपैठ भएको हुनसक्छ ।’
Copyright © All right reserved to webtvkhabar.com Site By: SobizTrend Technology
