वेबटिभी खबर
काठमाडौं । पाल्मु शेर्पाको डेब्यु म्युजिक भिडियो ‘दार ठेकीको’ सार्वजनिक भएको छ । गीतमा उनलाई गायक प्रदीप लामाले स्वरमा साथ दिएका छन् ।
शेर्पाको नादिङ भाकाको गीतमा जीवन बोम्जनको शब्द रहेको छ भने गीतमा अमृत लामाको सङ्गीत र जोगलाल लामाको सङ्गीत संयोजन रहेको छ ।
सिन्धुपाल्चोक जिल्लाकै उत्कृष्ट पर्यटकीय स्थलका रुपमा परिचित भोटेकोसी गाउँपालिकाको बगम र छगम गाउँमा भिडियोको छायाङ्कन भएको छ ।
प्रकाश वाइबा तामाङले भिडियो खिचेका हुन् । राज किङ वाइबाले कोरियोग्राफी गरेको भिडियोमा छोङ्गोपो रिञ्छेन शेर्पा र मिङ्गमर डोमा शेर्पाको अभिनय छ ।
रोशन फ्युबाको सम्पादन र निर्देशनमा भिडियो तयार भएको हो । निर्माण समूहले यस गीतको म्युजिक भिडियो हेरेर प्रतिक्रिया दिन सबैलाई आग्रह गरेका छन् ।
Copyright © All right reserved to webtvkhabar.com Site By: SobizTrend Technology
