काठमाडौं । शनिबार बिहान बसेको सत्ता गठबन्धनको बैठक निष्कर्ष बिहीन भएको छ । स्थानीय तहको निर्वाचन मितिमा सहमति जुटाउन आज बिहान बसेको गठबन्धनको बैठक बिना निष्कर्ष टुङ्गीएको हो ।
आन्तरिक छलफल गरेर आज अपराह्न ४ बजे फेरि बस्ने गरी बैठक सकिएको प्रधानमन्त्री सचिवालयले जनाएको छ । स्थानीय तह निर्वाचनबारे छलफल गर्न शनिबार बिहान प्रधानमन्त्री निवास बालुवाटारमा सत्ता गठबन्धनमा आबद्ध दलका शीर्ष नेताहरुको बैठक बसेको थियो ।
निर्वाचन आयोगले बारम्बार सूचना जारी गरेर स्थानीय तहको निर्वाचन मिति घोषणा गर्न आग्रह गरेपछि यतिबेला गठबन्धन सरकार दबावमा रहेको छ ।
Copyright © All right reserved to webtvkhabar.com Site By: SobizTrend Technology