वेबटिभी खबर
काठमाडौं । काभ्रे जिल्लाको धुलिखेल नगरपालिकाले अहिलेसम्म प्रारम्भिक बालविकास सहजकर्ता (इसीडी शिक्षक) र विद्यालय कर्मचारी (परिचर, लेखापाल) लाई संघीय सरकारले निर्धारण गरेको न्युनतम तलब दिएको छैन ।
सरकारको घोषणा अनुसार पालिकाले गत साउन महिनाबाट इसीडी शिक्षक र विद्यालय कर्मचारीलाई मासिक १५ हजार रूपैयाँ उपलब्ध गराउनुपर्ने हो । तर, पालिकाले अहिलेसम्म पनि उक्त रकम नदिएको साे नगरपालिकाभित्रका सामुदायिक विद्यालयमा कार्यरत शिक्षक र कर्मचारीहरूले जनाएका छन् ।
पालिको इसीडी शिक्षक र विद्यालय कर्मचारीलाई संघीय सरकारले पठाएको रकम मात्र उपलब्ध गराउँदै आएको शिक्षा शाखा अधिकृत भोजकुमार ठाकुरले बताए । सरकारले इसीडी शिक्षक र विद्यालय सहयोगीका लागि मासिक ८ हजार रूपैयाँ र लेखापालका लागि १३ हजार ५०० रूपैयाँ पठाउँछ ।
पालिकाले इसीडी शिक्षककालाई मासिक १ हजार रूपैयाँ थप गरेर दिने गरेको ठाकुरले बताए । अन्य कर्मचारीलाई संघले पठाएको रकम उपलब्ध गराउने गरेको उनको भनाइ छ । बजेट अभावलगाय विभिन्न कारण यी कर्मचारीको तलब बढाउन नसकिएको उनको भनाइ छ ।
नमोवुद्धले दियाे इसीडी शिक्षक र विद्यालय कर्मचारीलाई न्युनतम तलब
Copyright © All right reserved to webtvkhabar.com Site By: Sobij
