वेबटिभी खबर
काठमाडौं । नेपाली कांग्रेसनिकट नेपाल विद्यार्थी संघ (नेविसंघ) ले पार्टी मुख्यालय सानेपामा प्रदर्शन गरेकाे छ । संघको महाधिवेशनको माग गर्दै उनीहरूले पार्टी कार्यालयमा प्रदर्शन गरेका हुन् ।
म्याद सकिएका भ्रातृ संस्थाहरूमा तदर्थ समिति बनाएर महाधिवेशनको म्यान्डेट दिनुपर्ने र रिक्त पदमा मात्र मनोनयन गर्नुपर्ने उनीहरूको माग छ ।
केन्द्रीय कार्यसम्पादन समितिको बैठकमा सहभागी हुन पुगेका नेताहरूलाई उनीहरूले संघलाई अन्यौलमा नराख्न आग्रह गरेका छन् ।
नेविसंघका नेता सुशील भट्टले पार्टीका भातृसंगठनलाई निष्कृय नवनाउन ध्यानाकर्षण गराइएको बताए । महाधिवेशन सुनिश्चीत गर्न दबाब आवश्यक रहेको उनको भनाइ छ ।
सो क्रममा कांग्रेस महामन्त्री विश्वप्रकाश शर्माले केन्द्रीय कार्यसम्पादन समितिको बैठकले भातृ संगठनको विषयमा उचित निर्णय गर्ने जानकारी दिए ।
लामो समयदेखि नेविसंघको अधिवेशन हुन सकेको छैन ।
Copyright © All right reserved to webtvkhabar.com Site By: Sobij
