वेबटिभी खबर
काठमाडौं । एमालेका अध्यक्ष केपी शर्मा ओलीले एमालेले लगाएदिएको ‘झुम्के बुलाकी’ लाएरै माधव नेपालसहितले कांग्रेस सभापति शेरबहादुर देउवालाई विश्वासको मत दिएको भन्दै कटाक्ष गरेका छन् ।
राजीनामा नदिइ देउवालाई प्रधानमन्त्री बनाउन विश्वासको मत दिएकोतर्फ लक्षित गर्दै ओलील भने,‘उहिले–उहिले श्रीमतीले श्रीमान् मन परेन र अर्कोसँग विहे गर्ने मन भए गहना फुकालेर दिन्थे, अनि, हामीले दिएको झुम्के बुलाकी लगाएर जाने, फुकाल्नुपर्दैन ?’
उनले देउवा नेतृत्वको सरकारलाई दक्षिणपन्थीको संज्ञा दिएका छन् । यस्तो सरकार बनाउन माधव नेपालले संसद्को पछाडि बसेर सुटुक्त मत दिएको आरोप लगाए । अध्यक्ष अोलीले एमालेको सरकारले गरेको राम्रा काम मात्रै जनतालाई सुनाएर मत माग्न आग्रह गरे । सरकारलाई खान मात्रै चिन्ता रहेको उनको भनाइ छ ।
Copyright © All right reserved to webtvkhabar.com Site By: Sobij
