वेबटिभी खबर
काठमाडौं । शिक्षा विकास तथा समन्वय इकाइ चितवनले सार्वजनिक बिदा र शैक्षिक सत्रको व्यवस्थान गर्न सम्पूर्ण विद्यालयहरूलाई आग्रह गरेको छ ।
सरकारले जेठ १ गतेदेखि लागू हुने गरी शनिबार र आइतबार सार्वजनिक बिदा दिन निर्णय गरेकाले सोही अनुसार व्यवस्था मिलाउन इकाइले अनुरोध गरेको छ ।
चितवन जिल्लामा सञ्चालनमा रहेका सबै विद्यालयहरूलाई सार्वजनिक बिदा दिने निर्णय कार्यान्वयन गर्न इकाइले आग्रह गरेको हो ।
आइतबार र शनिबार सार्वजनिक बिदा दिएका कारण अपुग हुने समयावधि हिउँदे वा वर्षे बिदाबाट कटौती गरि पूर्ति गर्न इकाइले आग्रह गरेको छ ।
वर्षभरिमा अधिकतम ३० दिनसम्म एकै पटक वा पटक गरेर बिदा दिन सकिने गरि स्थानीय तहले बिदा समायोजन गर्नुपर्ने इकाइले जनाएको छ ।
Copyright © All right reserved to webtvkhabar.com Site By: SobizTrend Technology
