वेबटिभी खबर
बुटवल । रुपन्देहीमा निषेधाज्ञा उल्लंघन गर्ने तीन जनालाई एक महिनाको जेल सजाय तोकिएको छ । जिल्ला प्रहरी कार्यालय रुपन्देहीले बिहीबार निषेधाज्ञा उल्लंघन गर्ने ८ जनालाई कैद सजाय गरेकोमध्ये पाँच जना जरिवाना तिरेर छुटेका छन्, भने तीन जनाले जरिवाना बुझाउन नसकेपछि जेल चलान भएका हुन् ।
कोरोना भाइरसको महामारी बढेपछि रुपन्देही जिल्ला प्रशासनले बैशाख ३० सम्म लागू हुने गरी बिहीबारदेखि निषेधाज्ञा जारी गरेको छ । निषेधाज्ञा उल्लंघन गर्ने ती व्यक्तिहरुलाई संक्रामक रोग ऐन २०२० को दफा ३ को उपदफा २ बमोजिम कारबाही गरिएको प्रहरीले जनाएको छ ।
प्रहरीले निषेधाज्ञा उल्लंघन गर्ने अन्य सात पुरुष र एक महिलालाई कैद सजाय माग गर्दै जिल्ला प्रशासन कार्यालय रुपन्देहीमा पठाएको बताएको छ ।
Copyright © All right reserved to webtvkhabar.com Site By: Sobij
