काठमाडौं । जनता समाजवादी पार्टीका संघीय परिषद् अध्यक्ष डा.बाबुराम भट्टराईले केन्द्रीय समितिको विस्तारित बैठक आव्हान गरेका छन् ।
अध्यक्ष उपेन्द्र यादवले वीरगंजमा २७–२८ गते केन्द्रीय कार्याकारिणी समितिको बैठक बोलाएकै दिनमा डा.भट्टराईले केन्द्रीय समितिको विस्तारित बैठक बोलाएका हुन् ।
‘पार्टीका पछिल्लो अवस्थाका बारेमा छलफल गरी निष्कर्षमा पुग्नका लागि केन्द्रीय समितिको विस्तारित बैठक बोलाइएको हो’ केन्द्रीय कार्यकारिणी सदस्य गंगा श्रेष्ठले भने ।
उनका अनुसार केन्द्रीय समितिमा रहेका सबै सदस्यलाई सो बैठकमा उपस्थित हुन लागि निमन्त्रणा गरिएको छ ।
पार्टी आन्तरिक कलहमा रुमलिएको बेला अध्यक्ष यादवले तीनजना मन्त्रीलाई फिर्ता बोलाएर तीन जनालाई मन्त्री बनाएपछि जसपाको विवाद थप चुलिएको छ ।
यही बेलामा डा.भट्टराईले केन्द्रीय समितिको विस्तारित बैठक बोलाएका हुन् ।
Copyright © All right reserved to webtvkhabar.com Site By: SobizTrend Technology