काठमाडौं । जनता समाजवादी पार्टी, नेपाल (जसपा) का नेता महेन्द्रराय यादवले पार्टी नेतृत्वहरूबाट वीरगंजमा केन्द्रीय समितिको विस्तारित बैठक राखेका कारण असुरक्षा महसुस भएकाले जान नसकेको बताएका छन् ।
आज काठमाडौंमा आयोजित नेता डा.बाबुराम भट्टराई पक्षधरहरूको केन्द्रीय समितिको विस्तारिक बैठकमा बोल्दै उनले जनता समाजवादी पार्टी निर्माण र विस्तारमा सबैको समान योगदान रहेकाले पार्टीलाई एक बनाइ राख्न सक्दो प्रयास गर्ने बताए ।
बैठकमा उनले भने, ‘वीरगंजको पार्टीको बैठक राख्नुको सन्देश के हो ? काठमाडौंमा के असुविधा थियो र वीरगंजमा पार्टीको विस्तारित बैठक गर्नुपर्यो ?’
उनले सास रहिन्जेल पार्टीलाई एक बनाउने प्रयासमा लाग्ने र अरू साथीहरूलाई पनि पार्टी एकढिक्का राख्न आग्रह गरे ।
Copyright © All right reserved to webtvkhabar.com Site By: SobizTrend Technology