वेबटिभी खबर
काठमाडौं । राष्ट्रिय प्रजातन्त्र पार्टी,नेपाल (राप्रपा) का अध्यक्ष कमल थापाले प्रदेश सरकारको आवश्यकता नभएको बताएका छन् ।
बलियो केन्द्रीय सरकार र स्थानीय सरकारलाई बढी अधिकार दिनुपर्ने बताउँदै थापाले प्रदेश सरकारको भने आवश्यकता नरहेको बताएका हुन् ।
बिहीबार पार्टीद्वारा काठमाडौंमा आयोजित कार्यक्रममा बोल्दै उनले पूर्ण समानुपातिक निर्वाचन प्रणालीमा जानुपर्ने आफ्नो पार्टीको मान्यता रहेको पनि बताए ।
उनले भने, ‘पूर्ण समानुपातिक निर्वाचन प्रणाली हुनुपर्दछ । संघीयताको वर्तमान स्वरुपलाई आमूल परिवर्तन गरेर केन्द्रमा एउटा बलियो सरकार र स्थानीय तहमा अहिलेको भन्दा पनि बढी अधिकार सम्पन्न स्थानीय सरकार गरी दुई वटा तहको संघीय स्वरुप कायम गर्न उपयुक्त हुन्छ । र, प्रदेश सरकारको आवश्यकता छैन भन्ने हाम्रो पार्टीको स्पष्ट मान्यता रहेको छ ।’
Copyright © All right reserved to webtvkhabar.com Site By: Sobij
