वेबटिभी खबर
काठमाडौं । फ्रान्स म्यानेजर कोरिन डिआक्रेले भनिन्, 'हामी यहाँ इतिहास बनाउन आएका हौं ।'
शनिबार राति साबिक विजेता नेदरल्यान्डलाई अतिरिक्त समयमा १-० अन्तरले पराजित गर्दै फ्रान्स महिला युरो च्याम्पियनसिपमा पहिलो पटक सेमिफाइनल प्रवेश गर्यो ।
इभ पेरिसेटले खेलको १०२औं मिनेटमा पाएको पेनाल्टी सदुपयोग गरिन् ।
फ्रान्सकी दिआनीलाई नेदरल्यान्डकी डोमिनिक्वी जेन्सेनलाई बक्सभित्र फल गरेपछि रेफ्रीले पेनाल्टी दिएको थियो ।
खेलमा नेदरल्यान्डले केही अवसर बनाएपनि फ्रान्स गोलरक्षकले बिफल पारेकी थिइन् ।
यो संगै महिला युरोको सेमिफाइनल समीकरण पूरा भएको छ ।
अब, फाइनल प्रवेशका लागि फ्रान्सले जर्मनीको सामना गर्नेछ । अर्को सेमिफाइनलमा स्विडेन र इंग्ल्यान्ड भिड्ने पक्का छ ।
Copyright © All right reserved to webtvkhabar.com Site By: Sobij
