काठमाडौं । लुम्बिनी प्रदेशसभाका सांसदबाट राजीनामा दिएका एमालेका सांसद दृगनारायण पाण्डे नेपाली कांग्रेसमा प्रवेश गरेका छन् । उनलाई कांग्रेस उम्मेदवारका रुपमा चार दलीय गठबन्धनले राष्ट्रियसभामा पठाउने निर्णय गरेको छ ।
सोमबार गठबन्धनले बुटवलमा पत्रकार सम्मेलन गर्दै चारै दलका नेताले खादा लगाएर स्वागत गरे । उनलाई राष्ट्रियसभाको साझा उम्मेदवार बनाउने घोषणा गरिएको छ ।
पत्रकार सम्मेलनमा बोल्दै कांग्रेस संसदीय दलका नेता वीरेन्द्रकुमार कनौडियाले पाण्डे पुरानै घरमा फर्किएको दाबी गरे ।
उनले जेठ ६ गते हुने राष्ट्रियसभाको चुनावमा उम्मेदवार बनाउने र चारै दलको गठबन्धनले समर्थन गर्ने निर्णय भएको बताए ।
Copyright © All right reserved to webtvkhabar.com Site By: SobizTrend Technology