काठमाडौं । अक्सिजनको सहज व्यवस्थापनका लागि तयारी अवस्थामा रहन सबै अस्पताललाई स्वास्थ्य तथा जनसङ्ख्या मन्त्रालयले निर्देशन दिएको छ । मन्त्रालयले कोभिड संक्रमणको दोस्रो लहर बढेसँगै अक्सिजन अभाव भएको भन्दै अस्पताललाई व्यवस्थापन गर्न निर्देशन दिएको हो ।
मन्त्रालयले सबै अस्पताललाई पत्रचार गर्दै जटिल अवस्थाका संक्रमितको उपचारका लागि अक्सिजन आवश्यक पर्ने भएकाले सहज व्यवस्थापनका लागि तयारी अवस्थामा रहन निर्देशन दिएको हो ।
अस्पतालहरुलाई खाली सिलिन्डर मौज्दात नराख्न, आफूसँग भएको सिलिन्डर समयमा नै भर्नसमेत मन्त्रालयले आग्रह गरेको छ । मन्त्रालयले सर्वसाधारणलाई अक्सिजन सिलिन्डर अनावश्यक रुपमा जोखिम तरिकाले संचित गर्ने र प्रयोग गर्ने खालका गतिविधिलाई हुन नदिनसमेत अनुरोध गरेको छ ।
Copyright © All right reserved to webtvkhabar.com Site By: SobizTrend Technology