वेबटिभी खबर
नयाँ दिल्ली । कोरोना संक्रमणको त्रासमा रहेको भारतमा केही दिनयता संक्रमितको संख्या घटबढ भइरहेको छ ।
दैनिक थपिने संक्रमितको तुलनामा बुधबार निको हुने बढी भए । गत २४ घण्टामा १७ हजार ४१५ जना संक्रमित थपिएका छन् भने २९ जनाको संक्रमणकै कारण निधन भएको छ ।
यो अवधिमा १७ हजार ७८८ जना निको भएका छन् । हाल भारतमा सक्रिय संक्रमितको संख्या एक लाख ३९ हजार १५८ पुगेको छ ।
भारतको राजधानी दिल्लीमा एक हजार ६६ जना संक्रमित थपिए भने २ जनाको संक्रमणबाट निधन भएको भारतीय सञ्चारमाध्यमले जनाएका छन् ।
महाराष्ट्र, तमिलनाडु, कर्नाटक र पश्चिम बंगालमा संक्रमण दर बढी छ ।
Copyright © All right reserved to webtvkhabar.com Site By: Sobij
