वेबटिभी खबर
उदयपुर । उदयपुरमा करेन्ट लागेर एक युवकको मृत्यु भएको छ । जिल्लाको कटारी नगरपालिका–६ रिस्कुमा करेन्ट लागेर १९ वर्षीय बिपिन विकको ज्यान गएको हो ।
सिन्धुलीको दुधौली नगरपालिका–१४ घर भई कटारी नगरपालिका–६ रिस्कुस्थित साथी राज मगरको घरमा गएका १९ वर्षीय बिपिन विकको करेन्ट लागेर ज्यान गएको हो ।
मंगलबार दिउँसो १ बजे मल्टिप्लकमा मोबाईलको चार्ज गर्ने क्रममा अचानक करेन्ट लागेर घाइते भएका विकलाई उपचारको लागि कटारी अस्पताल लगेकोमा उनको उपचारको क्रममा ज्यान गएको ईलाका प्रहरी कार्यालय कटारीले जनाएका छन् ।
प्रहरीले घटनाको बारे थप अनुसन्धान भइरहेको जिल्ला प्रहरी कार्यालय उदयपुरले जनाएको छ ।
Copyright © All right reserved to webtvkhabar.com Site By: Sobij
