Logo

२०७९, श्रावण ३१ गते मंगलवार

२०७९, श्रावण ३१ गते मंगलवार

‘सम्झना बिर्सना’ भारतमा प्रदर्शन हुने

‘सम्झना बिर्सना’ भारतमा प्रदर्शन हुने

  • 89
    SHARES
  • ‘सम्झना बिर्सना’ भारतमा प्रदर्शन हुने

    काठमाडौं । नेपालि चलचित्र ‘सम्झना-बिर्सना’ अब भारतका सहरमा  पनि प्रदर्शन हुने भएको छ । गत असार ३१ गते नेपालभरका हलमा प्रदर्शन भएको चलचित्र ९ सेप्टेम्बरबाट भारतका दर्शकमाझ पुग्न लागेको हो ।

    निर्माता अद्धितीय प्रधानले ‘सम्झना बिर्सना’ पहिलो चरणमा ९ सेप्टेम्बरमा दार्जिलिङ, सिक्किम, सिल्गुडी, जय गाउँलगायतका स्थानका हलमा प्रदर्शन हुने तयारीमा रहेको जानकारी दिए ।

    उनले भने, ‘हामी चरण चरणमा गरेर फिल्म रिलिज गर्दैछौँ । ७ अक्टोबरमा असाम, उत्तराखण्ड र हिमाञ्चल प्रदेशमा रिलिज हुदैछ । त्यसपछि २१ अक्टोबरमा बाँकी शहरहरूमा प्रदर्शन गर्दैछौ ।’

    उनले भारतमा नेपाली फिल्मको बजार राम्रो रहेको तर अधिकांशले यथोचित तवरले प्रदर्शन गर्न नजानेको बताए ।

    ‘भारतमा नेपाली फिल्मको मार्केट एकदम राम्रो छ । तर, हामीले सही बजार खोज्न सकेका छैनौँ ।’ उनले आफू नेपाली फिल्मको बजार विस्तारका लागि दीर्घकालीन सोचका साथ ‘सम्झना-बिर्सना’मार्फत अघि बढेको सुनाए । 

    निमेष प्रधान निर्देशित फिल्म भारतका हलमा नेपाली भाषामै तर अंग्रेजी सबटाइटलका साथ प्रदर्शन गरिँदै छ । ‘हामीले प्रारम्भिक रूपमा नेपाली भाषी दर्शकलाई नै लक्षित गरेका छौँ,’ निर्माता प्रधानले भने, ‘त्यसैले नेपाली भाषामै रिलिज गर्न लागेका हौँ । नेपाली नबुझ्नेहरूका लागि भने अंग्रेजी सबटाइटल राखेका छौं ।’

    रेबिका प्रधानको निर्माण र निर्देशक निमेषकै लेखन रहेको फिल्मले नेपालमा दर्शकबाट सकारात्मक प्रतिक्रिया पाएको थियो । फिल्ममा आकाश श्रेष्ठ, पूजा शर्मा, सुनील थापा, छुल्ठिम गुरूङ र शिशिर राणा मुख्य भूमिकामा छन् । 

    दार्जिलिङ, सिलगुढी तथा सिक्किमका रमणीय स्थानमा खिचिएको फिल्ममा शिव ढकालको छायांकन, कमल राई र रामजी लामिछानेको कोरियोग्राफी तथा अर्जुन पोखरेल र निमेष प्रधानलको संगीत छ । प्रेम गीत-३ पनि २३ सेप्टेम्बरमा भारतका हलमा प्रदर्शन हुँदै छ ।
     

    सम्बन्धित समाचार

    Copyright © All right reserved to webtvkhabar.com Site By: SobizTrend Technology