पशुपतिनाथ मन्दिरमा जनैपूर्णिमाको रौनक [फोटोफिचर]

वेबटिभी खबर
श्रावण २७, २०७९ शुक्रवार ११:१५ बजे

398

पशुपतिनाथ मन्दिरमा जनैपूर्णिमाको रौनक [फोटोफिचर]

काठमाडौं । प्रत्येक वर्ष साउन शुक्ल पूर्णिमाका दिन मनाइने जनैपूर्णिमा (ऋषि तर्पणी) पर्व आज देशभर जनै एवं रक्षाबन्धन धारण गरेर मनाइँदै छ ।

बिहान पवित्र नदी,तलाउ आदिमा नुहाएर ऋषिहरूको तर्पण गरि नयाँ जनै लगाउने सनातन वैदिक धर्मावलम्बीको परम्परा छ ।

आज साउन शुक्लपक्ष पूर्णिमा अर्थात् जनै पूर्णिमा ऋषितर्पणी । आज रक्षाबन्धन पनि हो । आजको दिन तागाधारीले जनै लगाउने र रक्षासूत्र डोरो बाध्ने परम्परा रहेकाे छ ।

वेदमन्त्रद्वारा अभिमन्त्रित यज्ञोपवित जनैं र रक्षासूत्र आफूभन्दा ठूला व्यक्ति र आचार्यको हातबाट लगाउने चलन रहेको छ ।

सकेसम्म आजको दिन सूर्योदयभन्दा अगाडि उठेर नुहाउने सरसफाई गर्ने र जनै फेर्ने तथा रक्षाबन्धन बाध्ने गरिन्छ । आज पूर्णिमाको दिन भएकाले शुभ मानिन्छ ।