काठमाडौं । गोरखाको गण्डकी गाउँपालिकाका अध्यक्ष दीपक तिमिल्सेनाले गाउँपालिकाबाट आफूले प्राप्त गरेको सेवासुविधा विद्यालयलाई प्रदान गरेका छन् ।
आफूले निर्वाचनको समयमा पालिकाभित्रको शिक्षालाई प्राथमिकता दिने घोषण गरेको र विद्यालयलाई थोरै भएपनि सहयोग पुर्याउने उद्देश्यले सहयोग गरेका बताए ।
उनले आफ्नो पहिलो महिनाको ३६ हजार दुई रूपैयाँ पाँदेलटारस्थित ज्ञानमार्ग माध्यमिक विद्यालयलाई सहयोग स्वरूप उपलब्ध गराएका हुन् ।
उक्त विद्यालयका प्रधानध्यापक दिलबहादुर गुरुङले प्राप्त रकम विद्यालयको छात्राबासमा अध्ययनरत विद्यार्थीका लागि खर्च गरिने जानकारी दिए । यस विद्यालयमा आवासीय सुविधासहित विपन्न चेपाङ समुदायका बालबालिका अध्ययन गर्दछन् ।
Copyright © All right reserved to webtvkhabar.com Site By: SobizTrend Technology