वेबटिभी खबर
काठमाडौं । नेकपा एमालेका नेता भीम रावलले कार्यकारी पदमा नपुगे पनि राजनीतिमा सम्मानित हुन सकिने उदाहरण स्वर्गीय प्रदीप गिरिले देखाएको बताएका छन् ।
गिरिलाई श्रद्धाञ्जली दिन नेपाली कांग्रेसको मुख्यालय सानेपा पुगेका रावलले लोकतन्त्रको लागि निरन्तर लडेको र लामो समय राजनीतिमा समर्पित भए पनि कार्यकारी पदमा गिरिले कहिल्यै चाहना नदेखाएको स्मरण गरे ।
उनले गिरिलाई बौद्धिक, लोकतन्त्रका लागि लडेको र सादा जीवनमा रमाएको नेता भएको बताए । ‘लामो राजनीतिक यात्रामा उहाँले कहिल्यै कार्यकारी पदको चाहना गरेको देखिएन,’ रावलले भने, ‘कार्यकारी पद नभए पनि मानिस सम्मानित हुनसक्छ भने उदाहरण उहाँले देखाउनु भयो ।’
प्रदिप गिरिलाई यसरी सम्झन्छन् भीम रावल @BhimRawal179 pic.twitter.com/ejEIeF9Tkt
— WebTvKhabar (@WebTvKhabar1) August 21, 2022
Copyright © All right reserved to webtvkhabar.com Site By: Sobij
