काठमाडौं । शिक्षा,विज्ञान तथा प्रविधि मन्त्रालय र आन्दोलनरत विद्यालय कर्मचारीबीच वार्ता जारी रहेको शिक्षामन्त्री देवेन्द्र पौडेलका प्रेस संयोजक बिमल खड्काले जनाएका छन् । वार्तामा नेपाल विद्यालय कर्मचारी परिषद्का अध्यक्ष गंगाराम तिवारी, नेपाल शिक्षक महासंघका अध्यक्ष कमला तुलाधरलगायत छन् । संयाेजक खड्काका अनुसार सहमतिकाे प्रयास गरिएकाे छ ।
मागहरू
१. पूर्ण सेवा सुविधाको ग्यारेन्टी तत्काल गर्नुपर्ने
क. विद्यालय कर्मचारी सहायक (लेखापाल) हरूका लागि रू. ३४ हजार ७३० प्लस २ हजार जम्मा ३६ हजार ७३० ।
ख. विद्यालय सहयोगीका लागि रू.२४ हजार २१० प्लस २ हजार जम्मा २६ हजार २१० ।
ग. ६० वर्षको उमेर हदका कारण अवकाश गरिएका विद्यालय कर्मचारीका लागि नेपाल सरकारले तत्काल कार्यविधिमार्फत सम्पूर्ण सेवा सुविधाको प्रबन्ध गरोस् ।
२. संघीय शिक्षा ऐन/शिक्षा ऐन, २०२८ को संशोधनमा प्रबन्ध गरिनुपर्ने ।
क. सामुदायिक विद्यालयमा कार्यरत विद्यालय कर्मचारीहरूलाई दरबन्दीमा समायोजन गरि एक पटकका लागि प्रक्रिया पुयाई स्वतः स्थायी प्रक्रियामा लगिनुपर्ने ।
ख. संघीय शिक्षा ऐन जारी हुँदाका बखतसम्म अविच्छिन्न सेवामा कार्यरत विद्यालय कर्मचारीहरूलाई एक पटकका लागि उमेरहद नलाग्ने प्रबन्ध गर्नुपर्ने ।
ग. ६० वर्ष उमेर पुगेका अवकाश भइसकेका विद्यालय कर्मचारीलाई प्रचलित कानुन बमोजिम शिक्षक सरहको सेवा सुविधा उपलब्ध गराई ससम्मान अवकाशको व्यवस्था गर्नुपर्ने ।
घ. विद्यालय कर्मचारीहरूलाई उच्च शिक्षा अध्ययनका लागि अध्ययन बिदा, सन्तति वृत्ति आदिको प्रबन्ध गरिनुपर्ने ।
ङ. विभिन्न समयमा गरिएका सहमति, सम्झौता तथा पटक–पटक सर्वोच्च अदालतबाट दिइएको निर्देशन कार्यान्वयनमा ल्याउनुपर्ने ।
सरकारले माथि उल्लेखित माग कार्यान्वयन गर्नुपर्ने भन्दै विद्यालय कर्मचारी भदौ १ गतेदेखि काठमाडौं केन्द्रित आन्दोलनमा छन् ।
Copyright © All right reserved to webtvkhabar.com Site By: SobizTrend Technology