काठमाडौं । नेकपा एमालेको माधव नेपाल पक्षले सहमतिका लागि अध्यक्ष केपी शर्मा ओलीलाई सोमबार बिहान ९ बजेसम्मको अल्टिमेटम दिएको छ ।
आइतबार बसेको नेपाल समूहको सांसदहरूको बैठकले अध्यक्ष ओलीलाई सोमबार बिहान ९ बजेसम्मको अल्टिमेटम दिएको पार्टीका प्रचार विभाग उपप्रमुख योगेश भट्टराईले बताए ।
‘बैठकले पार्टी एकता जोगाउने जिम्मेवारी अध्यक्षको रहेको निष्कर्ष निकाल्दै सोमबार बिहान ९ बजेसम्मको समय दिएको छ । उहाँले केही नगरेको अवस्थामा सांसदहरूलाई साढे ९ बजे संसद सचिवालयमा उपस्थित हुन भनिएको छ,’ भट्टराइले भने ।
नेपाल समूहले २ जेठ ०७५ कै अवस्थामा पार्टीलाई ब्युँताउनु पर्ने आफ्नो बटमलाइन पूरा गरेमात्रै प्रधानमन्त्री समेत रहेका अध्यक्ष ओलीलाई विश्वासको मत दिने निर्णय गरेको छ ।
Copyright © All right reserved to webtvkhabar.com Site By: SobizTrend Technology