Logo

२०७९, आश्विन १३ गते बिहिवार

२०७९, आश्विन १३ गते बिहिवार

पर्यटकीय गन्तव्य बन्दै हर्सिङडाँडा

पर्यटकीय गन्तव्य बन्दै हर्सिङडाँडा

  • 71
    SHARES
  • पर्यटकीय गन्तव्य बन्दै हर्सिङडाँडा

    काठमाडौं । लमजुङको मर्स्याङ्दी गाउँपालिका-३ हर्सिङडाँडा पछिल्लो समयमा पर्यटकीय गन्तव्य बन्दै गएको छ ।

    यहाँ पर्यटकहरू घुम्न तथा बास बस्नका लागिसमेत पुग्ने गर्दछन् । दैनिक एकसय देखि दुई सयजना पर्यटक आउने र बिदाको समयमा दोब्बर पर्यटक आउने गरेको स्थानीय पर्यटन व्यवसायी पूर्णबहादुर गुरुङले बताए ।

    उनले भने, ‘पहिला पहिला फाट्टफुट्ट दुई चारजना पर्यटक आउने गरे पनि केही महिनाबाट भने पर्यटक आवागमनमा उल्लेख्य वृद्धि भइरहेको छ । यहाँ घुम्न, हेर्न लायकका ठाउँ तथा ऐतिहासिक स्थलसमेत रहेकाले पर्यटकीय गन्तव्य बन्न थालेको पर्यटन व्यवसायीहरूको भनाइ छ ।

    यहाँ चार जना युवा मिलेर खाना बस्नका लागिसमेत सुविधा दिन थालेसँगै पर्यटक आगमनमा वृद्धि हुन थालेको छ । यस डाँडामा राष्ट्रिय विभूति भक्ति थापाले गाईबस्तु चराउने गरेको इतिहासमा उल्लेख छ ।

    यसै वडामा वि.सं. १८०२ सालमा खुदीको ढंगैबेसीमा जन्मिएका भक्ति थापाको बाल्यकाल हर्सिङडाँडा बितेको थियो । ऐतिहासिक तथा पर्यटकीयस्थल हर्सिङडाँडाको संरक्षण गर्दै पर्यटकीय गन्तव्य बनाउने अभियानमा यहाँका स्थानीयदेखि सरोकार वाला एकजुट हुनुपर्ने मर्स्याङ्दीका प्रेमबहादुर बस्नेत बताउँछन् ।

    हर्सिङडाँडामा गाईबस्तु चराएका भक्ति थापा वि.सं १९७१ मा नेपाल-अङ्ग्रेज युद्धको बखत नेपालका वरिष्ठ सैनिक थिए । उनी लमजुङ जिल्लाको पुँवर थापा परिवारमा जन्मिएका । उनले पहिले लमजुङका राजा केहरि नारायण शाहका सेनाका सरदार भएकाले लमजुङका तर्फबाट धेरै पटक युद्ध लडेको इतिहास छ।

    गोरखासँगको अन्तिम युद्धमा पराजित भई युद्धवन्दीका रूपमा काठमाडौं पुगेको करिब एक वर्षपछि उनी नेपाली फौजका सरदार भई नेपाल एकीकरण अभियानमा संलग्न थिए ।

    १८७८ मा ७३ वर्षको उमेरमा नेपाल अंग्रेज युद्धमा देउथलको लडाइँको नेतृत्व उनले गरेका थिए । देउथलमा अंग्रेजविरूद्ध तरबारसहित ३०० सेना लिएर युद्ध गरेका थापाको अंग्रेजको गोली लागेर मृत्यु भएको थियो ।

    अंग्रेज सेनाले गोर्खाली सेनाको वीरताको कदर गर्दै थापाको शवमा दोसल्ला ओढाएर सम्मानकासाथ अमरसिंह थापालाई बुझाएको इतिहास छ ।

    सम्बन्धित समाचार
    धेरै पढिएको

    Copyright © All right reserved to webtvkhabar.com Site By: SobizTrend Technology