काठमाडाैं । नेपाल विद्यालय कर्मचारी परिषद् राष्ट्रिय समितिका अध्यक्ष गंगाराम तिवारीले संगठन भनेको आफ्ना सम्पूर्ण सदस्यहरूको हकअधिकार सुनिश्चित गर्नुसँगै कर्तव्य बोध गराउनका निम्ति लाग्ने हो भनेका छन् ।
उनले यसका लागि सबै क्षेत्रको संगठनको संरचना बलियो हुनुपर्ने धारणा व्यक्त गरेका छन् ।
विभिन्न माग राख्दै गत भदौ १ गतेदेखि आन्दोलन गरी सरकारसँग वार्ता तीव्र गरिरहेका अध्यक्ष तिवारीले संगठनको भूमिका, दायित्व, जिम्मेवारीका विषयमा सचेत गराएका हुन् ।
अध्यक्ष तिवारीलाई उनी नेतृत्वको संगठनले बलियो साथ दिएको छ ।
उनले नेतृत्वले सधैं आफ्ना सदस्यहरूको हकअधिकारका लागि लड्ने र कर्तव्य बोध पनि गराउनुपर्ने बताए ।
आन्दोलन गरे पनि खासै उपलब्धि हुन नसकेको अवस्थामा विद्यालय कर्मचारीले नेतृत्वको आलोचना गरेका छन् । व्यंग्यात्मक रूपमा अध्यक्ष तिवारीले ढिला भएपनि माग सम्बोधन हुने र सबैले कर्तव्य पालना गर्नुपर्ने बताएका छन् ।
Copyright © All right reserved to webtvkhabar.com Site By: SobizTrend Technology