Logo

२०८०, चैत्र १६ गते शुक्रवार

२०८०, चैत्र १६ गते शुक्रवार

नबिल बैंक र म्याक्स हेल्थकेयरबीच सम्झौता, नबिलका ग्राहकले उपचारमा १२ प्रतिशत छुट पाउने

नबिल बैंक र म्याक्स हेल्थकेयरबीच सम्झौता, नबिलका ग्राहकले उपचारमा १२ प्रतिशत छुट पाउने

  • 254
    SHARES
  • नबिल बैंक र म्याक्स हेल्थकेयरबीच सम्झौता, नबिलका ग्राहकले उपचारमा १२ प्रतिशत छुट पाउने

    काठमाडौं । नबिल बैंक र म्याक्स हेल्थकेयर इण्डियाबीच नबिल बैंकको डेबिट, क्रेडिट तथा प्रिपेड कार्ड होल्डरले म्याक्स हेल्थकेयरमा उपचार गराउँदा १२ प्रतिशत छुट पाउने सम्झौता भएको छ । नबिलका ग्राहकहरुले ओपिडी र आइपिडी सेवा लिंदा यो सुविधा पाउने छन् । 

    images

    नबिल बैंकका सीइओ ज्ञानेन्द्र ढुगांना र म्याक्स हेल्थकेयरको तर्फबाट अनस अब्दुल वाजिद (वरिष्ठ निर्देशक–मुख्य बिक्री र मार्केटिंग अधिकृतले) ले  सम्झौतापत्रमा हस्ताक्षर गरेका हुन् । यो सम्झौतासँगै बैंकका ग्राहक तथा कर्मचारीहरुले अस्पतालका विभिन्न सेवा सुविधामा छुट पाउने भएकोे हो ।

    कार्यक्रममा नबिल बैंकका सीइओ ज्ञानेन्द्र ढुंगानाले यो सम्झौतापछि नबिल बैंकका ग्राहकहरू लाभान्वित हुने बताए । त्यसैगरी छुटलाई वृद्धि गर्न प्रयास गर्ने उनले जानकारी दिए ।

    कार्यक्रममा बोल्दै वाजिदले म्याक्स हेल्थकेयरको भारतमा रहेको १७ वटा सेवाप्रदायक शाखाहरुले मृगौला, लिभर, बोनम्यारो प्रत्यारोपन, मुटुको शल्यकृया जस्ता जटिल रोगहरु सफलतापूर्वक उपचार गरेको बताउँदै नेपाली जनताहरुले पाउने सेवामा ढुक्क हुन आग्रह गरे । अस्पतालको सेवा लिन कुनै पनि झन्झट नहुने बताउँदै बिरामीहरुलाई गुणस्तरीय सेवा प्र्रदान गरिने उनले विश्वास दिलाए । 

    Nabil Bank-1003.jpg

    नबिलले उक्त कार्यक्रममा ‘दक्षिण एसियामा उदयमान स्वास्थ्य समस्याहरू’ विषयक छलफल गराएको थियो । शुक्रराज ट्रोपिकल तथा सरुवा रोग अस्पतालका चिकित्सक र क्लिनिकल रिसर्च युनिट प्रमुख डा. शेरबहादुर पुन र डा. सन्दीप बुद्धिराजा, वरिष्ठ चिकित्सक–इन्स्टिच्युट अफ इन्टरनल मेडिसिन, म्याक्स हेल्थ केयर इण्डियाले प्यानलमा बोल्दै दक्षिण एसियाको स्वास्थ्यको अवस्थामा सुधार गर्न मानिसहरु सजग रहनु जरुरी रहेको बताए ।

    बढ्दो शहरीकरण, स्वास्थ्यमा जागरूकताको कमी, स्वास्थ्य शिक्षामा फितलो अभ्यास, रोग तथा स्वास्थ प्रतिको मनोवृत्तिले लोप भई सकेको रोगहरु पुनः माहामारीको रुपमा फैलिनुको कारण रहेको डा. पुनले जानकारी दिए । सर्ने र नसर्ने दुवै रोगहरुको उत्तिकै जोखिम रहेको बताउँदै सजग भई खानपान र रहनसहनमा ध्यान दिन डा. बुद्धिराजाले सुझाव दिए ।

    सम्बन्धित समाचार

    Copyright © All right reserved to webtvkhabar.com Site By: SobizTrend Technology