वेबटिभी खबर
काठमाडौं । खाद्य व्यवस्था तथा व्यापार कम्पनी लिमिटेड बाग्मती प्रादेशिक कार्यालयले बुधबारबाट खसी, बोका र च्यांग्रा सहुलियत मूल्य बिक्री गर्न थालेको छ ।
खाद्य व्यवस्थाको दसैं सहुलियत पसलमा प्रतिकिलो १० रूपैयाँ छुट दिएर खसी, बोका र च्यांग्रा बिक्री गरिएको छ ।
खाद्यले प्रतिकिलो १० रूपैयाँ सहुलियत दिएर जिउँदो खसी ६७०, बोका ६७० र च्यांग्रा १२५० रूपैयाँमा बिक्री गर्न थालेको छ ।
साथै कलंकीको खसी बजारसहित काठमाडौं उपत्यकाका विभिन्न स्थानमा बिक्रेता र क्रेताबीच आपसी मोलतोल गरेर पनि खसी, बोका र च्यांग्रा बिक्री भइरहेका छन् ।
चौपायाँ खरिद बिक्री सेवा संघले लोकल खसीबोकाको मूल्य प्रतिकिलो ६८० देखि ७१० रूपैयाँ र च्याङग्रा प्रतिकिलो १३०० रूपैयाँ तोकेको थियो ।
Copyright © All right reserved to webtvkhabar.com Site By: Sobij
