गाेरखाका जनतालाई बाबुरामले भने– म निरन्तर गोरखा गैराख्नेछु, जनताको हमेसा साथ र सेवामा रहनेछु

वेबटिभी खबर
आश्विन १३, २०७९ बिहिवार १२:२५ बजे

1.2K

गाेरखाका जनतालाई बाबुरामले भने– म निरन्तर गोरखा गैराख्नेछु, जनताको हमेसा साथ र सेवामा रहनेछु

काठमाडौं । नेपाल समाजवादी पार्टी (नेसपा) का अध्यक्ष डा.बाबुराम भट्टराईले हमेसा जनताको साथ र सेवामा रहने बताएका छन् ।

आगामी ४ मंसिरमा हुने निर्वाचनमा प्रतिनिधिसभा सदस्यका लागि उम्मेदवारी दिने कि नदिने साेचमा रहेका डा.भट्टराईले सधैं जनताको साथ र सेवामा रहने बताएका हुन् । तर बहुसंख्यक गोरखावासीले भने अन्तिम एकपटक चुनाव लड्न उनलाई आग्रह गरेका छन् ।

सांसदको भूमिकामा नरहे पनि देश विकास गर्न सकिने बताउँदै पूर्वप्रधानमन्त्रीसमेत रहेका डा.भट्टराईले नयाँ रोजगारी, उत्पादनमुखी योजनाको सुरुवात र कार्यान्वयनका निम्ति लागिरहने बताए ।

लगातार तीन पटकसम्म गोरखा क्षेत्र नम्बर २ बाट प्रत्यक्ष चुनाव जितेका डा.भट्टराईले निरन्तर गोरखा गैराख्ने र आफू सांसद, अर्थमन्त्री र प्रधानमन्त्री हुँदा सुरु गरेका विकास योजनालाई पूर्णता दिने पनि बताए ।

डा.भट्टराईले गोरखाका जनतालाई आश्वस्थ पार्दै वेबटिभी खबरसँग भने, ‘म निरन्तर गोरखा गैराख्नेछु । जनताको हमेसा साथ र सेवामा रहनेछु ! मेरो पालामा सुरु भएका कामको पूर्णता, अब नयाँ रोजगारी र उत्पादनमुखी योजनाको सुरुवात र कार्यान्वयनका निम्ति लागिरहनेछु ।’

गाेरखामा बाबुराम : पार्टी कार्यक्रमदेखि विकास याेजना कार्यमा व्यस्त [फाेटाेहरू पनि]