वेबटिभी खबर
नयाँ दिल्ली । भारत बायोन्टेकले बनाएको कोभ्याक्सिन खोप दुई देखि १८ वर्ष उमेरसम्मका बालबालिका र किशोरहरुमा परीक्षण गर्न सेन्ट्रल ड्रग्स स्ट्यान्डर्ड कन्ट्रोल अर्गनाइजेसन (सिडिएससिओ) को विज्ञ समितिले मंगलबार अनुमति दिएको छ ।
यो परीक्षण एम्स अस्पताल दिल्ली, पटना र मेडिट्रिना इन्स्टिट्युट अफ मेडिकल साइन्सेज नागपुरमा पाँच सय २५ जनामा गरिनेछ ।
सुत्रका अनुसार विज्ञ समितिले कम्पनीलाई तेस्रो चरणको परीक्षणका लागि सिडिएससिओबाट अनुमति लिनुभन्दा अगाडि डेटा अनुगमन बोर्डलाई दोस्रो चरणमा भएकाे परीक्षणको तथ्यांक उपलब्ध गराउन निर्देशन दिएको थियो ।
यसभन्दा अगाडि २४ फेबु्रअरीमा भएको बैठकमा बायोन्टेकको प्रस्तावमाथि विचारविमर्श गर्दै संशोधित क्लिनिकल परीक्षण प्रोटोकल पेश गर्न निर्देशन दिइएको थियो ।
भारतीय चिकित्सा अनुसन्धान परिषद् आइसिएमआरको सहयोगमा भारतले नै विकास गरेको कोभ्याक्सिन खोप १८ वर्षभन्दा माथिका व्यक्तिलाई प्रयोग गर्न अनुमति पाइसकेकाे छ ।
यस्तै, सोमबार अमेरिकाको औषधि तथा खाद्य विभागले १२ देखि १५ वर्षका बालबालिकाका लागि फाइजर बायोन्टेकले विकास गरेको खोप प्रयोग गर्न अनुमति दिएको छ ।
अमेरिकाले यसभन्दा अगाडि १६ वर्षभन्दा माथिकालाई मात्र खोप लगाउँदै आएको थियो । विश्वमै सबैभन्दा पहिला बालबालिकालाई कोरोना भाइरसविरुद्धको खोप प्रयोग स्वीकृत गर्ने देश क्यानडा हो ।
अमेरिकामा बालबालिकालाई पनि खोप लगाउन सुरु 
बाह्र वर्ष मुनिका बालबालिकामा फाइजरको कोरोना खोप परीक्षण सुरु
Copyright © All right reserved to webtvkhabar.com Site By: SobizTrend Technology
