काठमाडौं । विपक्षी दलहरुले नयाँ सरकार गठनको तयारी गरिरहेको गण्डकी प्रदेशमा राष्ट्रिय जनमोर्चाका बहुमत सांसदले कुनै गठबन्धनमा नरहेको प्रष्टीकरण दिएपछि विपक्षी दलहरुले गरेको बहुमत दाबी अपूर्ण बनेको छ ।
विपक्षी दलहरु नेपाली कांग्रेस, नेकपा माओवादी केन्द्र, जनता समाजवादी पार्टी, राष्ट्रिय जनमोर्चा र राजमोले बहुमत दाबी गर्दै मुख्यमन्त्रीमा कांग्रेस संसदीय दलका नेता कृष्णचन्द्र नेपालीलाई उठाएका थिए ।
तर जनमोर्चाका अर्का सांसद खिमविक्रम शाहीले आफू तटस्थ रहेको जनाएका छन् । यसअघि जनमोर्चा गण्डकी प्रदेशका संसदीय दलका नेता कृष्णबहादुर थापले पनि आफू तटस्थ रहेको बताएका छन् ।
राजमोका दुई सांसदले आफूहरु तटस्थ रहेको जानकारी गराएपछि विपक्षीहरु नयाँ सरकार गठनमा असफल देखिएका छन् ।
Copyright © All right reserved to webtvkhabar.com Site By: SobizTrend Technology