वेबटिभी खबर
काठमाडौं । सत्ता गठबन्धनका तर्फबाट काठमाडौं–५ मा आसन्न प्रतिनिधिसभा निर्वाचनमा सदस्यका लागि उम्मेदवारी दिएका नेपाली कांग्रेसका नेता प्रदीप पौडेलले आफ्नो पहिलो उद्देश्य राजनीति सफा गर्ने भएको बताएका छन् ।
बिहीबार काठमाडौं–५ ले आयोजना गरेको क्षेत्रीय प्रतिनिधि भेलामा सम्बोधन गर्दै पौडेलले अहिलेको प्रमुख आवश्यकता भनेको राजनीति सफा गर्नु भएको बताएका हुन् ।
‘देशमा धेरै विकृतिहरू छन्,’ उनले भने, ‘राजनीतिमा पनि विकृतिहरू नभएका होइनन् । अब राजनीतिलाई पहिले सफा गरेर देशलाई र राजधानीलाई सफा गर्नु पर्छ । मेरो पहिलो उद्देश्य राजनीति सफा गर्ने हो र देशको राजधानीलाई सफा गर्ने पनि हो ।’
उनले काठमाडौं–५ देशकै लागि महत्त्वपूर्ण भएको र यो क्षेत्रमा देशका प्रमुख कार्यालयहरु भएकाले पनि यसको विशेष भूमिका नीति निर्माणमा हुने बताएका छन् ।
Copyright © All right reserved to webtvkhabar.com Site By: Sobij