शिक्षामन्त्रीज्यू नमस्कार । जुन दिन यहाँ शिक्षामन्त्री घोषणा हुनुभयो त्यसदिन हामी खुसी थियौं । बालबालिकासँग काम गर्न केही नयाँ जोसजाँगरका साथै खुसी र उमंग बनाउनुभयो । आज त्यो आसालाई निराशा बनाउनु भयो । हाम्रो देश नेपालका माननीय मन्त्रीहरू एकचोटी गम्भीर तरिकाले हिजोका दिनलाई फर्केर सोचिदिनुहोस् त बालविकास शिक्षकले हजुरहरूले नसक्ने र कुनै व्यक्तिले आफ्नो पकेटबाट तानेर दिने खालका माग बालबिकास शिक्षकहरूले उठाएका त थिएनौं ।
जुनसुकै तहका मजदुरले पनि पनि दिनभरी मजदुरी गर्छन् । उसको पनि निश्चित ज्याला हुन्छ भने हामी त झन हजुरहरूको छोराछोरी, नातिनातिनालाई स्याहारसुसारका साथै बच्चाको मस्तिष्क विकास सँगै सर्वाङ्गीण विकास गराउने बालशिक्षकमात्र नभएर कर्म दिने एक असल आमाको जिम्मेवारी बोकेका छौँ ।
यसरी विद्यालयको आधार बनाउने बालशिक्षकले उठाएका स्वभाविका मागलाईसमेत सम्बोधन गर्न हजुरहरूलाई फलामका चिउरा चपाएभन्दा कठिन भयो । कहिले बजेट भाषण हुन्छ भन्दै बसेका शिक्षकहरूलाई बजेट भाषणले बाविकासको नामनिसानासमेत निकालिएको थिएन ।
बालविकास शिक्षकले आन्दोलन गरेपपछि बल्ल १५ प्रतिशत वृद्धि गरियो । एक ८ हजार तलब त्यसमा पनि १प्रतिशत तलब वृद्धि । म त्यो ठाउँमा हुन्थे भने त लाजमान्थें । १५प्रतिश होइन त्यो ठाउँमा १०० प्रतिशत तलब वृद्धि गरिदिएको भएपनि । कसैको व्यक्तिगत सम्पत्ति जाँदैनथ्यो । कस्तो बिडम्बना संघमा जान्छौं । प्रदेशमा जा भन्ने । प्रदेश जान्छौं स्थानीय सरकार जा भन्ने । कम्तिमा पनि १७ हजार तलब त्यहीबाट गर्दिएको भएपनि हुन्थ्यो शिक्षामन्त्रीज्यू ।
हेर्नुहोस् त कुनै स्थानीय तहले १७ हजारभन्दा माथि बनाएका छन् । कुनै स्थानीय तहमा १० हजार मात्र । के सबै स्थानीय तहमा आउने बजेट उस्तै होइन र ? बालविकास शिक्षकलाई ठग्ने स्थानीय तहलाई कुनै सम्झाइबुझाइसहितको केन्द्र सरकारले कारबाही गर्न सक्नुभएन ? बालविकास कस्तो गराउने भन्ने कुरा त स्थानीय सरकारको हातको कुरा पनि हो ।
बालविकास कक्षामा खेल्दै गरेको बच्चा भोलि भोटर बन्दा एक भोट्को पनि हजुरहरूलाई खाँचो हुसक्छ । फर्केर हेर्ने गर्नुहोस् महोदय । बालविकास हुँदै एसईई दिएको विद्यार्थीको नतिजा पक्कै पनि फरक छ । यसको मूल्यांकन गर्नुभएको छ ? परिश्रम गराउने तर हामीलाई पारिश्रमिकमा ठग्ने नेताहरूलाई भोट हाल्ने र विजय गराउने हाम्रो पनि ठूलो भुल भएकै छ । सोच्नुपर्ने बेला आयो ।
Copyright © All right reserved to webtvkhabar.com Site By: SobizTrend Technology