काठमाडौं । चार नेतामाथिको कारबाही फुकुवापछि एमाले अध्यक्ष केपी शर्मा ओलीले बिहीबार माधव नेपालसँग भेटेर पार्टी एकताको लागि थप पहल गर्ने भएका छन् ।
ओलीले माधव पक्षसहितको स्थायी कमिटी बैठक पनि बिहीबारै बोलाउने तयारी गरेका छन् ।
नेपालसँग बुधबार राति र बिहीबार बिहानसम्म पनि टेलिफोनमा पटक-पटक कुराकानी भएको र बिहीबार दुई नेताबीच वार्ता हुने सम्भावना रहेको प्रधानमन्त्रीका परराष्ट्र मामिला सल्लाहकारसमेत रहेका एमाले नेता राजन भट्टराईले बताए ।
अध्यक्ष ओली २३ फागुन ०७७ अघिको स्थायी समिति सदस्यहरूको बैठक बोलाउन तयार भए पनि नेपालपक्षले एमालेकालकै स्थायी कमिटी बस्नुपर्ने र त्यसमा बादल पक्ष सहभागी गराउन नहुने अडानमा रहेका छन् ।
Copyright © All right reserved to webtvkhabar.com Site By: SobizTrend Technology