वेबटिभी खबर
पाँचथर । मंसिर ४ गते हुन गइरहेको प्रदेश र प्रतिनिधिसभा निर्वाचन प्रयोजनका लागि पाँचथरमा १ हजार १२ जना म्यादी प्रहरी छानिएका छन् ।
म्यादीका लागि आवेदन दिएका १५ सय ७५ जना प्रतिस्पर्धीबाट जिल्ला प्रहरी कार्यालय पाँचथरले १ हजार १२ जना छनौट गरेको हो ।
छानिएका म्यादी प्रहरीलाई सम्झौता अनुसारको पारिश्रमिक उपलब्ध गराउन सम्पर्कमा बोलाएर बैंक खाता खोल्न लगाएको पाँचथरका प्रहरी नायव उपरीक्षक हरि खतिवडाले जानकारी दिए ।
उनका अनुसार म्यादी प्रहरीलाई असोज ३० गतेदेखि काममा लगाइनेछ ।
उनीहरूलाई जिल्लाका ८ वटा स्थानीय तहका १ सय २ मतदानस्थल र १ सय ७७ मतदान केन्द्रमा खटाउने तयारी छ । फाइल तस्बिर
Copyright © All right reserved to webtvkhabar.com Site By: Sobij
