काठमाडौं । वर्तमान सरकारको नेतृत्व गरिरहेको सत्ता साझेदार दल नेपाली कांग्रेसले सामुदायिक विद्यालयमा कार्यरत विद्यालय कर्मचारीहरूको वर्षौदेखिको समस्या समाधान गर्ने बताएको छ ।
कांग्रेसले शनिबार पार्टी मुख्यालय सानेपाबाट आगामी ४ मंसिरम हुने प्रतिनिधिसभा र प्रदेशसभा निर्वाचनलक्षित घोषणापत्र सार्वजनिक गर्दै सामुदायिक विद्यालयमा कार्यरत विद्यालय कर्मचारीहरूको समस्याको न्यायिक र दीर्घकालीन समाधान गर्ने बताएको हो ।
अवस्थालाई सुव्यवस्थामा बदल्ने प्रतिबद्धता नाम दिएर कांग्रेसले घोषणापत्रमा भनेको छ,‘सामुदायिक विद्यालयमा कार्यरत विद्यालय कर्मचारीहरू वर्षौंदेखि दरबन्दी, सुविधा, उमेरहदको अनिश्चितता तथा उचित तलब र पेन्सनको सुविधाबाट वञ्चित रहेको समस्याको न्यायिक र दीर्घकालीन समाधान गर्ने छौं ।’
कांग्रेसले घोषणापत्रमा उल्लेख गरेको एजेन्डालगायतका माग राखेर विद्यालय कर्मचारीले डेढ महिना राजधानी काठमाडौंकेन्द्रित आन्दोलन गरेका थिए । उनीहरूले उठाएका कुनै पनि माग अहिलेसम्म पूरा भएका छैनन् ।
Copyright © All right reserved to webtvkhabar.com Site By: SobizTrend Technology