पुण्य घिमिरे
खोलें बिहानै उठी फेस बुक
भित्ता रगिला शुभकामनाका
खुसी बनेथ्ये मनका तरङ्ग
बाहिर हेर्दा मन भो भरङ्ग ।
मान्छे हिँडेका छन फाट्टफुट्ट
निषेधको शान्ति छ यो विचित्र
सेतै सबै त्यो परिधान भित्र
देखिन्छ शान्तिहरूको सचित्र !
नघाटमा ठाँउ जलाउने छ
न सासमा प्राण चलाउँने छ
निभ्दो छ वत्ति अव देहभित्र
कस्ले सलेदो अनि तेल थप्छ ?
कहीं पनि बस्तछ आड छैन
कतै पनि बाँचन बेड छैन
के ले सबै शोचहरू हरेछ
साँच्चै कता मानवता सरेछ !
उठेर गर्ने पनि ठाउँ छैन
यो पेट पापी नभरी हुँदैन
ती दीनका दिन भनी नबिर्सौं
सकिन्छ यो मानवता समर्पौं !
कैले हुने हो सुख फुटबाट
बिग्रन्छ भन्नेहरू जुटबाट
यो सत्य फेर्नेहरूमा सलाम
सधैं रहन्छन् मनमा जलान !
पढी बनोस् यो मन मानवी पन
छ स्वार्थ के बच्न हरे दुई दिन !
धरा रहन्छिन् युगयुग सम्मन
समस्त सम्झौं इतिहास भैकन !
सबै बँचाऔं सब बँच्नु पर्छ
हाम्रो इतिहास त साँच्नु पर्छ
होस् सत्तरी साठी भएर के छ ?
आँशू पिई बाँच्न कठिन हुन्छ !
Copyright © All right reserved to webtvkhabar.com Site By: Sobij
